LAOAG CITY – Kinumpirmaran ti Israel a nakaawat da manen ti lungon a nakaipanan ti bangkay ti sabali pay nga hostage ti Hamas.
Innala ti Red Cross ti nasao a bangkay sumagmamano nga oras kalpasan ti panangisyu ti Hamas ti joint statement kadua na ti Palestinian Islamic Jihad a mangibagbaga a nabirukan da ti bangkay iti Khan Younis area ti southern Gaza.
Segun iti Israeli prime minister’s office, ti bangkay met maipan iti Israel babaen iti military ceremony sakbay a dumalan iti identification process.
No makumpirmaran a daytoy ket maysa kadagiti hostage, adda ti 24 manipud kadagiti 28 a natay nga hostages ti naisublin iti Israel iti ummuna a phase ti agdama a ceasefire deal a maysa kadagiti paset ti plano ti Amerika para iti naan-anay a pannakailippas ti gubat iti Gaza.
Iti babaen ti ceasefire deal, immanamong ti Hamas a waya-wayaan ti 20 a sibiag ken 28 a natay nga hostages nga iggem da.
Ain met a sibibiag nga Israeli hostages ti nawaya-wayaan idi Oktubre 13 kasukat ti 250 Palestinian prisoners ken 1,718 a balod manipud iti Gaza.
