LAOAG CITY – Nasugatan ti 120 nga indibidual kalpasan ti tignay protesta kontra iti gobierno ti Mexico.
Basar kadagiti otoridad, ti nasao a bilang ket 100 ditoy ket pulis.
Nangiwayat ti rinibu a demonstrador ti tignay protesta iti kabisera ti Mexico tapno agprotesta kontra iti nadamsak a krimen ken ti gobierno nga idadauluan ni President Claudia Sheinbaum.
Mainaig iti daytoy, inbatad ni Mexico City security chief Pablo Vazquez a naarestar dagiti otoridad ti 20 a tattao gapu iti krimen pakairamanan ti robbery ken assault.
Naammoan a ti tignay protesta ket inorganisar ti Gen Z youth group iti suporta dagiti netizens nga agprotprotesta met iti pannakapapatay dagiti mabigbig a personalidad kas ken ni Uruapan Mayor Carlos Manzo a naiget a mangipanpanawagan ti naig-iget a tignay kontra kadagiti drug cartels.
Maipalagip nga inpetteng ni President Sheinbaum a ti maiwaywayat a tignay protesta iti nagduduma a siudad iti pagilianda ket pinundoan ti right-wing politicians a kalaban ti gobierno.
Immuna iti daytoy, ni President Sheinbaum ket agar-aramid kadagiti wagas kontra kadagiti cartels ngem pagkedkedanna ti panawagan para iti sabali manen nga all-out war iti droga.
