LAOAG CITY – Kinataripnong ti National Police Commission (Napolcom) dagiti accredited uniform suppliers tapno mapagsasaritaan ti panang-paiget da iti pagalagadan ken accountability kas paset iti addang da a maisardeng ti saan nga otorisado a panagusar, panagaramid ken panaglako iti uniporme ti Philippine National Police (PNP).
Inalerto ti Napolcom dagiti suppliers iti ngumatngato a bilang dagiti saan nga otorisado nga aglaklako, iti bisinidad ti PNP National Headquarters ken kadagiti nagduduma nga online selling platforms.
Segun iti Napolcom, dagiti nadakamat nga unregulated activities ket mangperdi iti authenticity ti uniporme ken mangkompromiso iti institutional standards.
Inbatad ni Napolcom chief Commissioner Rafael Vicente Calinisan a mangiyuswat da ti “firm and strategic steps” tapno masolbar ti isyu.
Dinakamat na pay ti kinapateg ti panangpreserbar iti integridad ti police uniform kas simbolo iti public trust ken professionalism.
Inpetteng na a saan laeng a basta arwaten ti uniporme ti pulis no diket daytoy ket badge iti honor a mangrepresentar iti duty, integrity, ken public service.
Innayon na a saan da nga ipalubos ti unauthorized reproduction ken iligal a panagilako nga isu ti mangdadael iti simbolo.
