LAOAG CITY – Kalikagom ti Department of Science and Technology a makaaramid ti maysa a ramit a makatulong iti panang-produce ti asin ditoy pagilian.
Daytoy ti nagbalin a rakurak ni Sec. Renato Solidum Jr. kalpasan a nasaludsod kenkuana nu adda dagiti in-inawen da nga inobasyon pakaseknan ti salt production a kas kangrunaan a produkto ditoy Ilocos Norte.
Segun kenni Solidum, ti kangrunaan a kitaen da ket ii salinity ti danom tapno masigurado nga ado ti asin a mapataud, kasta met ti salt bed no adda ti secondary source a presko a danom.
Inbatad na a no adda ti fresh water ken saan a salt water ket saan a mabalin a pagbalinen a source ti asin.
Kunana pay a saan a makaanay ti tradisyonal a panagluto ti asin tapno masuposupan ti kasapulan ditoy pagilian nangruna ket amin nga indibidual ket agkasapulan iti daytoy.
Inpakaamo na a ti manarimaan nga es-establisaren da nga equipment ket arig na dakkel nga induction oven a solar powered ken addaan ti baterya tapno uray rabii ket kabaelan na nga agoperar.
Patien ti sekretaryo a ti asin ket napateg iti tunggal maysa isut gapo na a rumbeng nga adda ti mapartuat a teknolohiya tapno al-alisto ti produksyon iti daytoy.
