LAOAG CITY – Sumagmamano a motorista ti na-stranded iti Barangay Pasaleng iti ili ti Pagudpud gapo iti landslide.
Segun kenni Mr. Hendrick Pedronan, ti mangidadaulo ti Municipal Disaster Risk Reduction and Management Office – Pagudpud, sipud pay idi rabii ket kastoyen ti sitwasyon gapo iti napigsa a tudo.
Agpapan naisursurat ti damag ket manarimaan ti clearing operations nga iyus-uswat ti Dept. of Public Works and Higways – 1st Engineering District pakairamanan ti Municipal Engineering Office tapno naan-anay a madalyasatan.
Mangnamnama daytoy nga agingga intono aldaw ket mawaknitan ti kalsada.
