LOAG CITY – Manamnama nga iparuk-at ti Appeals Chamber iti International Criminal Court intono Nov. 28 ti desisyon iti apela ni dati a President Rodrigo Duterte iti panangibasura ti tribunal ti kiddaw na nga interim release.
Ummuna iti daytoy, iti decision a napetsaan ti Sept. 26, inbasura ti ICC Pre-trial Chamber I ti kiddaw ti depensa nga interim release para iti dati a presidente a sumangsango iti crimes against humanity for murder and attempted murder iti tribunal.
Idi met Oct. 14 ket immapela ni defense counsel Nicholas Kaufman idinto a dagiti biktima ket simmungbat idi Oktubre 21.
Iti apela ni Kaufman, awan ti kapasidad ni Duterte nga aglibas wenno agsubli iti dati a panagbiag na wenno iti pultika.
Inpetteng na pay a daytoy ket mapan iti pagilyan no sadinno makapartisipar met laeng iti confirmation proceedings.
Maipalagip nga iti napalabas alawas ket ginutigot ti ICC Office of the Prosecutor ti Appeal Chamber nga agtalinaed a nakabalod ni Duterte kalpasan a napaay ti depensa a paneknekan nga awan ti legalidad ken factual erros ti ummuna a desisyon.
