LAOAG CITY – In-inoten a masolsolbar ti problema dagiti mannalon aglalo dagiti masakupan ti Bongga Pump 1, Bongga Pump 2 ken Bongga Pump 3.
Daytoy ti inbatad ni Engr. Joselito de Vera, ti Division Manager iti Irrigation Management Office ti National Irrigation Administration ditoy probinsya.
Inpakaammo a manarimaan ti conversion manipod iti electrical ket mapagbalin a solar no sadinno nga iti agdama ket addan ti 85 a porsiento ti nalpas.
Kuna na a manamnama nga intono Pebrero iti sumaruno a tawen ket malpas to aminen ken mausar to dagiti mannalon.
Innayon na a ti solar pump ket mausar manipod iti oras ti alas-otso ti bigat agingga iti alas-singko ti rabii.
Mainaig iti daytoy, inpakaammo ni Engr. de Vera nga umabot iti sumuruk-kumurang nga 60-milyon a pisos ti pondo para iti kada proyekto iti Bongga Pump 1, Bongga Pump 2 ken Bongga Pump 3.
