LAOAG CITY – Kinarit ni Senate Minority Leader Alan Peter Cayetano ni Health Secretary Ted Herbosa nga agikkat iti puesto no bilang maaramidna iti uneg ti maysa a lawas a lippasen ti cost analysis ti 160 nga ospital.
Iti baet ti panangtalantan iti budget ti Department of Health (DOH) para iti 2026, kiniddawna manen ti panangsuspenso iti rules para iti direkta a masaludsod ni Cayetano ni Herbosa a Chairperson ti Philippine Health Insurance Corporation (PhilHealth).
Binabalaw ni Cayetano a pito a tawenen a saan nga updated dagiti case rates ken kanayon nga irakrakurak ti Department of Health a zero billing-en dagiti ospital ngem ti kinapudnona ket adda pay laeng latta ti bayadan dagiti pasiente.
Inlawlawag ni Herbosa, zero billing wenno awan ti bayadan iti ospital no indigent wenno marigrigat ti maysa a pasiente ken dagiti adda iti basic accommodation wenno charity ward ngem no adda iti pay ward wenno private ward ket adda ti bayadan dagiti pasiente.
Kagiddan daytoy ket kinarit ni Cayetano ni Herbosa nga ag-resign no bilang maaramidna iti uneg ti maysa a lawas ti cost analysis dagiti ospital ken immannugot met ti sekretario iti daytoy.
Immunan nga inrakurak ni Herbosa nga iti katengngaan pay laeng ti 2026 a malpas ti survey tapno maala ti average hospital costs a kasapulan iti updating ti case rate a nakapungtotan ti agpanpanday linteg.
