LAOAG CITY – Natay ti maysa nga indibidual kalpasan ti pannakalmes na iti kabaybayan a paset ti Brgy. San Lorenzo, Bangui, Ilocos Norte.
Ti biktima ket agtawen ti 57, naasawaan, ken residente iti Brgy. Abaca iti nasao nga ili.
Iti imbestigasyon dagiti otoridad ken basar iti nakakita, napan nagkalap ti biktima ken iti panangipurwak na ti tabukol na ket naisurot daytoy a rason ti pannakalmes na.
Dagus a nangiyuswat ti search and rescue dagiti nagresponde a kameng ti Bureau of Fire Protection ken narekobre da ti biktima.
Inpakat dagiti nagresponde ti CPR iti biktima ken naitaray iti Bangui District Hospital ngem naideklara a pimmusay babaen iti attending physician.
