LAOAG CITY – Nakairekord ti innem nga ospital idiay Delhi, India ti 200 a ribu nga acute respiratory illness cases iti nagbaetan ti 2022 ken 2024 gapu iti toxic air.
Basar iti federal government, adda ti sumurok 30 a ribu nga indibidual a makapaspasar ti respiratory illnesses ti naitaray iti ospital kadagiti nadakamat a tawen.
Ti toxic air ket agbalbalin a problema idiay Delhi nangruna no madanon ti nalamiis a paniempo.
Mainaig iti daytoy, kadagiti naglabas a lawas, ti Delhi’s Air Quality Index ket isu ti mangrukrukod dagiti nagduduma a klase ti pollutants pakairamanan ti PM2.5 a mabalin a makaapektar iti bara ti maysa a tao a mamin-20 a daras iti limitasion nga inrekomendar ti World Health Organization.
Kabayatanna, naammoan a dagiti innem a kadakkelan nga ospital idiay Delhi ket nakairekord ti 67,054 nga acute respiratory cases idi 2022, 69,293 idi 2023 ken 68,411 idi 2024.
