LAOAG CITY – Ininspeksyon ti Sang Panlalawigan iti panangidaulo ni Board member Marlon Sales kas Chairman ti Committee on Public Works dagiti sumagmamano a farm to market road iti ili ti Bacarra.
Daytoy ket kalpasan nga adda ti report ni Mayor Nicomedes Dela Cruz a naperdi dagitoy.
Mainaig iti daytoy, inbatad ni Sales nga inimbitaran da dagiti contractors tapno ilawlawag no apay nga alisto a naperdi dagiti nasao proyekto.
Karaman kadagiti farm-to-market roads a napan ininspeksyon ti grupo ni Sales ket iti Brgy. Cabulalaan, Teppang, Tubburan, ken Pasciocan iti nasao nga ili.
Kuna ni Sales a napagsasaritaan da a tarimaanen da dagitoy ngem no saan latta a matarimaan ket i-require-da ti remove and replace gapu ta under warranty paylaeng dagitoy.
