LAOAG CITY – Nagballigi dagiti otoridad a nangtiliw ti maibilang kas Most Wanted person ditoy ciudad ti Laoag.
Ti akusado ket agtawen ti 42 a lalaki, taga Barangay 15, San Guillermo ditoy ciudad ti Laoag ngem agdama nga agnanaed iti Barangay 50, Buttong ditoy ciudad.
Naarestar ti akusado gapu iti kaso na a panaglabsing ti Republic Act 9262 wenno Anti-Violence Against Women and Their Children Act of 2004.
Nairekomendar ti 72 ribo a pisos a pagpiyansa ti akusado para iti temporaryo a pannakawaya-waya na.
