LAOAG CITY – Inrakurak ni Ukrainian President Volodymyr Zelenskiy a nakasagana a mangiyuswat ti eleksyon iti uneg ti tallo a bulan.
Daytoy ket nomaipasigurado ti Amerika ken dagiti kaalyado ti Ukraine ti seguridad da ken dagiti butos.
Segun kenni Zelenskiy, no maipasigurado ti kinatalged ti eleksyon ket adda ti maiyuswat iti sumaruno a 60 agingga iti 90 nga aldaw.
Ti komento ni Zelenskiy ket kalpasan ti rakurak ni U.S. President Donald Trump nga us-usaren ti gobierno ti Ukraine ti gubat kas rason tapno maliklikan ti pannakaiyuswat ti eleksyon.
Naglippas ti termino ni Zelenskiy iti napalabas a tawen ngem ti wartime elections ket iparparit ti linteg.
