LAOAG CITY – Kinumpirmaran ti Korte Suprema a naiyakar ti dua a kaso kriminal a naipila kontra iti dua nga inhinyero ti Department of Public Works and Highways (DPWH) ken iti contractor a ni Sarah Discaya.
Inbatad ni Supreme Court Spokesperson Atty. Camille Ting, naiyakar iti Lapu-Lapu City Regional Trial Court (RTC) ti reklamo kontra kada Discaya ken dua a Department of Public Works and Highways engineer ti Davao Occidental.
Kunana a maiyataday daytoy iti pagannurotan ti korte nga iyakar iti corruption-related cases nga adda ti pakainaiganna kadagiti proyekto imprastraktura iti designated anti-graft court ti kaasitgan a judicial region a pilien ti presiding wenno executive judge.
Maipalagip a kinumpirmaran ni Department of Justice (DOJ) Spokesperson Atty. Polo Martinez a plano nga iyakar ti korte nga umig-iggem iti kaso manipud idiay Davao gapu kadagiti dinutokan nga special court.
