LAOAG CITY – Nagpalagip ni P/Col. Joemar Labiano, Provincial Director ti Ilocos Norte Police Provincial Office kadagiti motorista iti panagbiaheda ita nga holiday season.
Segun kenkuana, babaen iti daytoy a wagas ket maliklikan ti mapasamak a desgrasia kabayatan ti panagbiahe dagitoy.
Inbatadna nga agbalin a naiget ti panagsita dagiti otoridad kadagiti kangrunaan a kalsada a pagdalyasatan dagiti motorista.
Inlawlawagna a masapul a kitaen a naimbag dagiti lugan sakbay nga agbiahe nangruna kadagiti aggapu iti Metro Manila nga agpasiar kadagiti tourist destination ditoy probinsia.
Kunana a siguradoen nga adda iti nasayaat a situasion ti bagi ti driver tapno awan ti agbalin a problema kabayatan ti panangiturongna iti lugan.
Innayonna a kanayon nga ipangpangruna ti kinatalged tapno makaawid iti pagtaengan wenno kadagiti pamiliada nga awan ti napasamak kadakuada.
