LAOAG CITY – Nagtalinaed ti takder ti Malakanyang nga agtalinaed a tsismis ken awan ti probative value ti maipagarop a “Cabral files” a maikonkonektar iti “Leviste list” agingga a saan a napaneknekan ti Department of Public Works and Highways (DPWH).
Iti maysa nga statement, inbatad ni Castro a respetaren na ni Sen. Panfilo Lacson, ngem ti madakdakamat na a ‘Cabral’s files’ ket saan pay nga authenticated ti Department of Public Works and Highways, isut gapuna a maibilang paylaeng daytoy a tsismis ken awan ti nadagsen nga ebidensya.
Inpetteng ni Castro nga awan ti aniaman a rakurak manipod iti Malacañang a mangkweskwestyunaran kadagiti ebidensya a naukkon iti babaen dagiti naiyuswat a Senate Blue Ribbon Committee nga idaulwan ni Sen. Lacson.
Innayon pay ni Castro nga agtultuloy ti panagkalap ti administrasyon kadagiti ebidensiya tapno mapagsungbat dagiti karaman iti korapsyon.
Inkalintegan ti Palace Official a masapol a kanayun nga agpannuray ti rule of law ken dagiti patta-patta ken saan a beripikaado nga ebidensya ket awan ti lugarna.
Inpalgak manen ti Palace official ti nalawag a pagtaktakderan ni Presidente Ferdinand Marcos Jr. a pagsungbaten dagiti amin a nagbasol.
Mainaig iti daytoy, naiget a naglikudan ni Castro nga ti alegasyon nga adda ti kalkaluban nga anomalya ti Malakanyang.
