LAOAG CITY – Inrakurak ti Assistant Chief ti Philippine National Police (PNP) Command Center a ni Police Col. Joshua Alejandro nga addan ti 835 ti nairekord a firecracker-related incidents ti ahensia iti intero a pagilian.
Adda ti 96 nga indibidual ti nairekord nga injured wenno nasugatan ken 28 nga indibidual met ti naarestar ti ahensia.
Dumanon iti 144, 866 a paputok ti nakumpiskar kadagiti naiwayat nga operasion dagiti kapulisan.
Manaig iti daytoy, nangi-deploy met ti 4,368 personnel ti Philippine National Police iti 632 a Firecracker Zones ken 1,490 personnel para iti 897 a Community Fireworks Display Areas.
Kabayatanna, 2 ti nairekord a pimmusay ken 4 ti injured gapu iti uram gapu iti pyro devices wenno firecracker explosions.
Naminsan a nagpalagip ti nailian a pulisia iti publiko a liklikan ti ilegal a paputok ken bantayan dagiti agtutubo a masansan a madisdisgrasia gapu iti daytoy.
