LAOAG CITY – Natay ti maysa a senior citizen a lalaki kalpasan a nadungpar ti nakamotorsiklo kabayatan ti idadalyasat na iti kalsada iti National Highway bisinidad ti Brgy. Tabug, iti ciudad ti Batac.
Ti biktima ket agtawen ti 73 a lalaki, naasawaan ken residente iti nadakamat a barangay idinto a ti nangiturong ti motorsiklo ket agtawen ti 20 a lalaki, ken residente met laeng iti nasao a ciudad.
Basar iti imbestigasyon ti Philippine National Police iti ciudad ti Batac, agpapaamyanan ti nakamotorsiklo idi nadungpar na ti dumalyasat a biktima.
Gapu iti napasamak ket agpada a nagsagaba ti sugat iti nagduduma a paset ti bagi ti biktima ken ti driver ti motorsiklo, ngem naideklarar a dead on arrival ti senior citizen.
Iti agdama, nagtalinaed a maag-agasan ti driver ti motorsiklo iti ospital ken manamnama a mapilaan ti reklamo no ipursige ti pamilya ti biktima.
