LAOAG CITY – Mangrugi ita nga aldaw ti Enero 2, 2026 ti pannakaipatungpal ti Land Transportation Office (LTO) ti pannakaipawil kadagiti e-trikes ken e-bikes kadagiti kangrunaan a kalsada idiay Metro Manila.
Sakupen ti panangipawil iti EDSA, C-5, Roxas Boulevard, ken Quirino Avenue agingga iti Magallanes–SLEX.
Inbatad ni Land Transportation Office Chief Markus Lacanilao, gagem daytoy nga addang a siguradoen ti kinatalged iti kalsada no sadinno a dagiti nabayag ken nalag-an a lugan kas ti e-trike ket mangituntunda ti risgo kadagiti kalsada a nairanta para kadagiti napaspaspas ken daddadakkel a lugan.
Inlawlawagna a makikokoordinar ti Land Transportation Office kadagiti lokal a gobierno ken sektor ti industria tapno makabukel ti natalged ken maiyannatop a ruta para kadagiti e-trike.
Naammoan a dagiti matiliwan nga aglabsing ket mabalin a mapatawan ti multa ken ma-impound dagiti luganda maiyataday iti Land Transportation and Traffic Code ken administrative orders.
Mangipatungpal ti presensia ti Land Transportation Office kadagiti law enforcer kadagiti kritikal a lugar tapno ipakaammo ken ipatungpal ti panangipawil.
