LAOAG CITY – Umabot iti 1,120 a personnel ti Philippine National Police (PNP) ti naikkat iti serbisyo idinto a 1,425 a sabsabali dagiti nasuspenso idi 2025.
Segun iti Philippine National Police, dagiti napatawan ti pannusa ket 2,226 manipod iti pakabuklan a 4,203 administrative cases a nakairamanan ti 6,527 a pulis iti napalabas a tawen.
Iti rekord ti PNP Discipline, Law and Order Division, makita a dagiti kaso ket nakairamanan ti 5,229 police non-commissioned officers, 1,101 police commissioned officers, ken 197 non-uniformed personnel.
Mainaig iti daytoy, iti pakabuklan a 1,369 cases a nakaapektar ti 3,124 a personnel ket naikkat iti serbisyo idinto a dagiti nabatbati a 2,843 cases a nakairamanan ti 3,403 personnel ket nangitunda ti corrective penalties.
Malaksid kadagiti naikkat iti serbisyo wenno nasuspenso, ti breakdown dagiticases ti kada penalty ket dagiti sumaganad:
Reprimand: 351 cases
Demotion: 113 cases
Withholding of privileges: 51 cases
Forfeiture of salary: 37 cases
Restriction: 36 cases
Segun ken ni acting PNP Chief PLt.Gen. Jose Melencio C. Nartatez Jr., ti nasao a bilang ket pammaneknek iti commitment ti organisasyon iti accountability ken due process.
Nagballaag manen ni Nartatez kadagiti uniformed officers nga agaramid ti panaglabsing a saanda a mailaksid iti linteg.
