LAOAG CITY – Mangiwaras ti Department of Health (DOH) ti agarop 200 nga health emergency responders para iti Feast of the Black Nazarene procession intono Enero 9, 2026.
Daytoy ti inbatad ni Department of Health spokesperson and Assistant Secretary Albert Domingo.
Nupay kasta, inlawlawag ni Domingo a ti nasao a bilang ket patta-patta da paylaeng gapu ta mabalin pay nga agbaliw , agdepende iti kasapulan ti operasyon.
Inpakaammo ni Domingo a dagiti DOH hospitals iti Metro Manila naka-standby tapno adda ti agawat kdagiti pasyente manipod iti maiwayat a libot.
Mainaig iti daytoy, mangisyu manen ti Department of Health ti “Code White Alert” kadagiti ospital iti Metro Manila ken kadagiti kaparanget a lugar, kalpasan ti nationwide alert para iti holiday season.
