LAOAG CITY – Nagballigi dagiti otoridad a nangarestar iti maibilang a Top 5 Regional Most Wanted Person iti Police Regional Office – 11.
Nabigbig ti akusado ni Apple Arellano Tohoy, alias “Ponpon”, agtawen ti 25, awanan ti asawa, taga Brgy. Magtuod, Ma-a, Davao City ngem agdama nga agnanaed iti Brgy. Marcelino iti ili ti Dingras.
Naarestar ti akusado babaen ti bileg ti warrant of arrest nga inparuk-at ni Hon. Rio Aiko Vallejos Indiola, Presiding Judge, Regional Trial Court, Eleventh Judicial Region, Branch 53, Davao City, Davao Del Sur a napetsaan ti Agosto 26, 2025 gapu iti kaso na a Murder.
Awan ti nairekomendar a pagpiyansa ti akusado para iti temporaryo a pannakawaya-waya na.
Manamnama ti pannakaibiyahe ti akusado tapno maidatag iti naggapwan ti warrant of arrest idiay Davao Del Sur.
