LAOAG CITY – Inpakaammo ni Mrs. Helen Rose Domingo, mangidadaulo ti Provincial Sports and Development Office a maituloy ti preventive maintenance ti Ferdinand Edralin Marcos Stadium apaman a malpas ti panag-training dagiti atleta para iti Region 1 Athletic Association Meet.
Inbatadna nga adda dagiti markings a naikkaten a masapul a mamentenar sakbay a mangiwayat ti inspeksion ti world athletics.
Inlawlawagna a saan a makapagsanay a nasayaat dagiti atleta no adda dagiti agtrabtrabaho.
Innayonna a masapul a mailippas dagiti aktibidad sakbay a maimbitaran ti world athletics para ti pannaka-qualify-na daytoy para kadagiti international events.
