LAOAG CITY – Manarimaanen ti proseso ti Pilipinas para iti panagkiddaw ti tulong iti International Criminal Police Organization para iti panangarestar ken ni dati nga Ako-Bicol Partylist Representative Zaldy Co a maipagarup nga aglemlemmeng idiay Portugal.
Inbatad ni Department of the Interior and Local Government (DILG) Secretary Jonvic Remulla, addan ti pammilin ni Presidente Ferdinand Marcos Jr. a pormal nga agaplikar ti extradition treaty uray awan pay ti extradition treaties iti dua a pagilian.
Inlawlawagna a no pudno nga adda idiay Portugal ni Co ket dakkel ti maitulong ti International Criminal Police Organization tapno mapaawiden ti dati nga agpanpanday linteg.
Sumango ni Co iti kaso a graft, malversation ken falsification of public documents gapu iti panagaramid ti maanomalya a flood control project idiay Oriental Mindoro.
