LAOAG CITY – Maragsakan ni Vice Mayor Rey Carlos Fariñas gapo iti umad-ado a bilang dagiti estudyante ditoy ciudad ti Laoag a makiparpartisipar kadagiti national ken international competition.
Impeksa ti bise mayor ti kinaragsak na kabayatan ti regular session kalpasan a nangidasar ti resolusyon ni Sang Kabataang Federated Presidente Michael Agustin a mangrekognisar kadagit estudyante manipod ditoy ciudad ti Laoag a makipaspaset kadagiti nagduduma a kompetisyon iti national ken international.
Karaman kadagiti estudyante a napadayawan ket manipod iti Ilocos Norte National High School, Ilocos Norte College of Arts and Trades, Mariano Marcos State University-Laboratory High School, Rodolfo Fariñas National Science High School ken dadduma pay.
Segun kenni Fariñas, malaksid kadagiti mathematical competition ket adda pay dagiti nagballigi kadagiti Science International Competition.
Namnamaen ti bise mayor a babaen ti pannakaipaay ti pammigbig ket isu ti mangkarit kadagiti dadduma pay nga estudyante tapno ilalaing da met ken isuda ti sumaruno a makipapaset kadagiti a naindaklan a kompetisyon ken aktibidad.
