LAOAG CITY – Inpakaammo ni Mayor James Bryan Alcid a nalpasen iti konstruktion iti baro nga Slaughterhouse ditoy ciudad ti Laoag.
Kunana nalpas daytoy idi pay bolan ti nobiembre ngem naaddaan laeng ti problema iti electrification na.
Segun kenkuana, nasolusyonan met nga insigida daytoy idi disyembre 2025.
Mainaig iri daytoy, kuna ti mayor a plano na a mapan bisitaen ti slaughterhouse tapno makita no anai pay dagiti nasken a plastaren.
Kabayatanna, nagyaman ni Mayor Alcid iti Ilocos Norte Electric Cooperative gapu iti alisto a pannakaisimpa iti kuryente iti nasao a pasilidad.
