LAOAG CITY – Gutgutigoten ni Mrs. Janet Retamal, mangidadaulo ti Population on Commission ditoy siudad ti Laoag dagiti ubbing nga ina nga agusar ti implanon.
Inbatadna a makatulong daytoy tapno malapdan ti insigida a panagsikog manen dagiti ubbing nga ina kalpasan ti panagpasngayda.
Inlawlawagna a naiget ti panangitandudoda dagitoy a banag gapu ta kalikagumda a saan a maminpinsan a maperdi ti panagragpat kadagiti arapaap dagitoy.
Kunana a ti implanon ket epektibo agingga iti tallo a tawen depende iti pammagbagi ti maysa a babai.
Innayonna a dagiti agkalikagum nga agpatudok iti daytoy ket mabalin nga agturongda laeng iti doktor.
