LAOAG CITY – Umaboten iti sumurok 1.3 milyon nga aplikante para iti panagparehistro ti naawat ti Commission on Elections (Comelec) para iti 2026 Barangay ken Sangguniang Kabataan Elections (BSKE).
Iti datos nga inpakita ti Commission on Elections, 1,356,410 nga indibidual ti nakarehistro tapno makabutos para iti 2026 Barangay ken Sangguniang Kabataan Elections no sadinno a 718,457 ket babbai ken 637,943 ket lallaki.
Manipud iti pakabuklan a registrants, 1,028,835 ti regular a botante nga agtawen ti 18 ken agpangato ken 327,575 ket Sangguniang Kabataan (SK).
Mainaig iti daytoy, dagiti baro a Sangguniang Kabataan registrant ket umabot iti 322,402 idinto a dagiti aplikasion para kadagiti baro a regular a botante ket umabot iti 367,859 ken dagiti nagaplikar tapno maminsan manen nga ipa-activate ti status ket umabot iti 13,174.
Naammoan a ti Region IV-A (CALABARZON) ti kangatoan a bilang dagiti aplikante nga addaan ti 271,033, sinaruno daytoy ti Region III (Central Luzon) nga addaan ti 159,473 ken National Capital Region (NCR) nga addaan ti 157,421.
Kabayatanna, adda ti pakabuklan a 2,186 a nagparehistro ti nagaplikar iti Special Register Anywhere Program (SRAP) site iti Commission on Elections main office idiay Intramuros, Manila.
