LAOAG CITY – Natay ti tallo nga indibidual idinto a maysa ti nasugatan iti napasamak a pammaltog iti Lake Cargelligo idiay New South Wales, Australia.
Insigida a naglibas ti suspek kalpasan ti nasao nga insidente.
Basar kadagiti otoridad, nakitada a natay ti maysa a lalaki ken babai iti luganda idinto a ti maikadua a pammaltog ket nakatayan ti maysa a babai.
Naitaray iti ospital ti maysa a lalaki kalpasan a nagsagaba ti tama ti bala iti bagina.
Agtultuloy ti iwaywayat nga imbestigasion dagiti otoridad mainaig iti insidente.
