LAOAG CITY – Simmango ita nga aldaw iti Sandiganbayan ni dati a Senador Ramon “Bong” Revilla Jr. ken innem pay a padana nga akusado manipud iti Department of Public Works and Highways (DPWH) Bulacan para iti pre-trial ken arraignment.
Daytoy ket mainaig iti kaso a malversation of public funds through falsification of public documents nga inpila kontra kadakuada gapu iti maipagarup a ₱92.8 milyon a ghost flood control project idiay Pandi, Bulacan.
Naidatag ita nga aldaw ti kampo ni Revilla ti mosyonda a maiyakar ti dati a Senador manipud iti BJMP New Quezon City Jail idiay Payatas nga agturong iti custodial facility ti Philippine National Police (PNP) no sadinno nga agdama a nakabalud.
Basar iti impormasion manipud iti Korte, nangnayon kadagiti tugaw iti uneg ti courtroom, manipud iti 60 ket inaramid a 100 gapu iti naruay a nagatendar iti arraignment.
Naipatungpal ti naiget a seguridad iti uneg ken ruar ti Sandiganbayan.
Malaksid iti bukud a security personnel ti Korte, nag-augment pay dagiti tauhan manipud iti Quezon City Police District (QCPD).
Nangrugi ti arraignment ken pre-trial iti oras ti alas-8:30 ti bigat iti Third Division Court ti Sandiganbayan.
