LAOAG CITY – Naglikudan ti White House dagiti report nga adda ti sakit ni U.S. President Donald Trump kalpasan ti panagwaras dagiti ladawan iti akin-kannigid nga ima na nga adda litemna kabayatan ti panagatendar na iti World Economic Forum idiay Davos, Switzerland.
Basar iti White House, resulta laeng daytoy ti pannakabando ti ima ti presidente iti iking ti lamisaan ken saan a kaipapanan daytoy nga adda ti pangta iti salun-at na.
Kinumpirmaran ni Press Secretary Karoline Leavitt nga awan ti litem iti ima ni Trump sakbay iti nasao nga insidente.
Nupay kasta, rimuar manen dagiti espekulasyon iti salun-at ti agtawen ti 79 a ni Trump gapu kadagiti immuna a litem kadagiti ima na a naobserbaran ti publiko.
Inpetteng ti administrasyon nga adda iti nasayaat a kondisyon ti salun-at ni Trump, a datin nga indeklarar ti doctor na nga addaan ti “excellent” cardiovascular health.
