LAOAG CITY – Plano ti Department of the Interior and Local Government (DILG) a nayunan pay ti reward money a nailatang para iti al-alisto a pannakabiruk iti pugante a negosyante a ni Charlie Atong Ang.
Inbatad ni Department of the Interior and Local Government Secretary Jonvic Remulla, nga iti nasurok a 10 a raids nga insayangkat dagiti otoridad ket napaay dagitoy a nakabiruk ken ni Ang.
Innayon ti sekretaryo a no maibusan daytoy ti pasensya ket naan-anay a nayunan na ti reward money para iti siasinno man a makaipaay ti impormasyon iti paglemmengan ti pugante a negosyante.
Maipalagip nga immunan a naiparuk-at ti 10 a milyon a pisos a reward money tapno mabirukan ni Ang a maitudtudo nga utek iti panagpukaw dagiti naruay a mammallot.
