LAOAG CITY – Umaboten iti pito a tattao ti natay ken ginasut a ribo a pagtaengan ti napukawan ti suplay ti kuryente gapu iti iduduprak ti snow storm iti dakkel a paset ti Estados Unidos.
Gapu iti daytoy, napaserraan dagiti pagadalan ken dagiti kalsada iti pagilian idinto a nakanselar dagiti naruay a flights gapu ta napeggad iti biag manipod Texas agingga iti New England.
Basar iti report, dua kadagiti biktima ket pimmusay gapu iti hypothermia iti Louisiana, idinto a dagiti dadduma ket adda ti pakainaigan ti dakes a panawen iti Texas, Tennessee ken Kansas.
Immuna iti daytoy, binalakadan ni New York City Mayor Zohran Mamdani dagiti residente nga agtalinaed paylaeng iti uneg ti pagtaengan da.
Basar iti National Weather Service nga agpaut pay ti agingga iti tallo nga aldaw ti mapaspasaran nga snow storm.
