LAOAG CITY – Nangipaay ti pammigbig ti City Government of Laoag kadagiti barangay a napintas ti naggapoananna babaen ti Alisto Asenso Progreso Awards: Search for the Best Performing Barangay of Laoag City.
Segun ken ni Ms. Chariz Garma, mangidadaulo ti Department of the Interior and Local Government ditoy siudad ti Laoag, maiyataday daytoy iti nakailanad iti City Ordinance No. 13-2025-001.
Inlawlawagna a nakaipalaon ditoy dagiti criteria kas ti financial administration and sustainability, disaster preparedness, safety peace and order, social protection and sensitivity, business-friendliness and competitiveness, ken environmental management.
Mainaig iti daytoy, kadagupan kadagiti 80 a barangay ditoy siudad ti Laoag ket napadayawan dagiti sumagmamano a barangay kas kadagiti sumaganad:
Best Performing Barangay
Barangay 10, San Jose – P75,000
First Runner-up
Barangay 12, San Isidro – P55,000
Second Runner-up
Barangay 11, Sta. Balbina – P45,000
Third Runner-up
Barangay 7-A, Nra. Sra. De Natividad – P35,000
Fourth Runner-up
Barangay 2, Sta. Joaquina – P25,000
Naammoan a dagiti Finalist a nakaawat ti P15,000 iti tunggal barangay ket dagiti sumaganad:
Barangay 61, Cataban
Barangay 39,Sta. Rosa
Barangay 13, Nra. Sra. De Visitacion
Barangay 15, San Guillermo
Barangay 1, San Lorenzo
Barangay 30-B, Sta. Maria
Barangay 8, San Vicente
Barangay 43, Cavit
Barangay 51-A, Nangalisan East
Barangay 16, San Jacinto
Barangay 35,Gabu Sur
Barangay 55-C, Vira
Barangay 25, Sta. Cayetana
Barangay 48-A, Cabungaan North
Barangay 23, San Matias
Kabayatanna, sinaludaran ni Mayor James Bryan Alcid dagiti mangidadaulo kadagiti amin a barangay nga imatmatonan ni ABC President Rbee Ablan no sadinno a nagyaman isuna ti suporta iti agdama nga administrasion nangnangruna kadagiti programa a mangpadur-as, mangpapintas ken mangpalag-an ti panagbiag ti tunggal Laoageño.
