LAOAG CITY – Awan ti pagannurutan ti Department of Education (DepEd) nga ipalubos ti mass promotion kadagiti estudyante iti sumaruno a tukad wenno grade level iti baet nga agkurkurang da kadagiti kasapulan a kabaelan.
Daytoy ti inpaganetget ni Department of Education Undersecretary for Learning Systems Strand Carmela Oracion.
Rimuar ti nasao nga statement kabayatan ti diskusyon iti mass promotion ti panangiparuk-at ti National Education and Workforce Development Plan (NatPlan) 2026–2035, no sadinno nga adda ti panawagan nga agpatinggan ti nakaugalian ken nangikeddeng ti goal a mangipasigurdo nga iti kada ubing ket nalaingen nga agbasa apaman a makadanun iti Grade 3.
Immunan nga inbatad ni House Basic Education Committee chairperson Rep. Roman Romulo a naduktalan ti Second Congressional Commission on Education (EDCOM 2) a ti mass promotion ket nagbalinen a “systematic culture” iti sistema ti edukasyon ditoy pagilian.
Gapu iti daytoy, inpasigurado ti Department of Education a solbaren da ti isyu babaen ti panangpatibker da ti pakabuklan ti sistema ti edukasyon iti pagilian.
Iti agdama, mangipatpatungpal ti Department of Education ti Academic Recovery and Accessible Learning (ARAL) Program, a mangipaay ti libre a tutorials iti panagbasa, mathematics ken science.
Kabayatanna, inpetteng ni Romulo a ti krisis iti reading and comprehension ket saan nga ipabasol iti estudyante ken mangisursuro no di ket ti sistema a mangiluglungalong para iti pannakaipasa lattan dagiti agad-adal nga awan pulos ti ammo na, aglalo iti panagbasa.
