LAOAG CITY – Ipayal-alisto ni Senador Erwin Tulfo ti Department of the Interior and Local Government (DILG) iti panangiwaras ti impormasion a mangilawlawag iti pannakaipawil kadagiti pulitiko a makibiang iti panangipaay ti ayuda.
Inpetteng ni Sen. Tulfo, nalawag iti 2026 General Appropriations Act a saan a mapalubosan ti presensia ti asinoman a pulitiko.
Insigida a pagtigtignayen ni Tulfo ti maipanggep iti naiget a panangipatungpal ti anti-epal provision tapno saan a mausar iti eleksion.
Nangiparuk-at ti Department of the Interior and Local Government ti memorandum circular a mangipawil iti panangikabil ti nagan wenno ladawan dagiti opisial ti gobierno iti aniaman a proyekto a pinundoan ti gobierno.
Kabayatanna, immunan nga inbilin ni Tulfo iti Department of Social Welfare and Development (DSWD) tapno ipayalisto ti panangala ti ayuda dagiti umili ken isardengen ti pannakibiang dagiti pulitiko iti daytoy.
