LAOAG CITY – Ipawilen ti pagilian nga Spain dagiti ubbing nga agtawen ti 16 ken agpababa nga agusar ti social media.
Inbatad ni Spanish Prime Minister Pedro Sánchez a dagiti ubbing ket nasken a saan a ma-expose kadagiti lugar a rumbeng a saanda a pagturongan.
Inlawlawagna a ti social media ket makita ti adu a panangabuso, pornography, manipulation ken kinaranggas.
Iti panagbitlana iti World Governments Summit idiay Dubai, naikeddeng a mangipasada ti linteg tapno pagsungbaten dagiti social media executives gapu iti pannakapaay dagitoy nga ikkaten dagiti iligal ken makapaperdi a contents.
Kunana a maammoanda laeng daytoy iti babaen ti panagusarda ti baro nga alghorithim.
Immunan a nangipatungpal dagiti pagilian nga Australia, France ken Denmark iti panangipawil kadagiti agtutubo nga agtawen ti 16 ken agpababa nga agusar ti social media.
