LAOAG CITY – Inrakurak ti International Criminal Court (ICC) a mangdutuk da ti “common legal representatives” para kadagiti biktima ti crimes against humanity a naipila kontra ken ni dati a Presidente Rodrigo Duterte.
Basar iti dokumento ti International Criminal Court a napetsaan ti Pebrero 4, 2026, naipakaammo iti Registry ti tribunal iti Pre-Trial Chamber I ti opisyal a pannakadutuk dagiti legal a mangibagi kadagiti biktima.
Gagem daytoy a siguradwen dagiti representasyon ti amin nga opisyal a nabigbig a biktima iti panagdengngeg iti kaso.
Maipalagip nga idi Enero 26, pinili ti Chamber da Human rights lawyers Joel Butuyan ken Gilbert Andres kas common legal counsels a mangirepresentar iti amin a nabigbig a biktima nga otorisado a makipaset iti panagusig.
Inaprubaran met ti International Criminal Court ti partisipasyon ti saan a nababbaba ngem 29 nga indibidwal, idinto a nagkedkedan na ti 10 a sabsabali pay nga aplikasyon a maipagarop a saanen a sakopen ti panawen ti kaso a naipila kontra iti dati a president.
Sangwen ni Duterte ti tallo a kaso ti crimes against humanity mainaig iti maipagarop a pannakapapatay dagiti suspected drug users, peddlers, ken dagiti bystander idi mayor ti Davao City, ken kas president ti Pilipinas.
Naikeddeng a maiyuswat ti confirmation of charges hearing intono Pebrero 23, 2026.
