LAOAG CITY – Inyendorsarni US President Donald Trump ni Japanese Prime Minister Sanae Takaichi sakbay ti snap election iti pagilian da intono Domingo.
Iti post ni Trump, inbatad Na a napaneknekanen ni Takaichi ti kinatibker, kinabileg Ken panagbalin na kas “wise leader”.
Agtalek pay ni President Trump a saan a paayen ni Takaichi dagiti umili ti Japan.
Kabayatanna, maibilang a mabilbilang para iti presidente ti Amerika ti mangipublikar ti panangsuporta na iti kandidato dagiti foreign elections.
Nupay kasta, saan a daytoy ti damo nga adda ti iyendorsar ni Trump gapu ta immunan nga inyendorsar na ni Argentinian Javier Milei Ken Hungarian Viktor Orban.
Maipalagip nga al-allukuyen ni Takaichi ti presidente ti Amerika iti naan-anay a suporta na para ad-adda pay a pannakapatalged ti relasyon ti Tokyo ken Washington.
