LAOAG CITY – Bimmaba ti porsiento ti produksyon ti ikan iti pagilian idi 2025.
Nairekord iti 2.51 percent wenno agarop uppat a milyon a tonelada no sadinno a daytoy met ti kababaan a rekord manipod idi 2004.
Segun ti Vice President ti grupo nga Oceana a ni Von Hernandez, a ti rason iti agtultuloy a panagbaba ti produksyon ti ikan ket gapu iti kinakurang ti maipatpatungpal a linteg kas ti Fisheries Code ken nakapuy a panangidaulo dagiti maseknan nga ahensya ti gobierno.
Maysa kadagiti itudtudo a problema ti grupo ket ti saan a panangiparparuk-at ti datos manipod iti vessel monitoring system ti Bureau of Fisheries and Aquatic Resoruces (BFAR) uray nasurok a 90 percent kadagiti commercial boats ket addaan ti Vendor Management System.
Kabayatanna, maipalagip a bimmaba met ti produksyon ti ikan idi 2024 no sadinno nga immabot iti nasurok a 4 million metric tons ti pakabuklan ti produksyon maibasar iti datos ti Philippine Statistics Authority (PSA).
