LAOAG CITY – Inpetteng ti Malacañang a nasken a maipakat iti rule of law ken maipatpatungpal a proseso iti pannakaisayangkat ti maikatlo nga impeachment complaint kontra ken ni Vice President Sara Duterte.
Daytoy ket kalpasan a nangipila ti maikatlo nga impeachment complaint kontra iti Bise Presidente ti maysa a religious group nga inendorso ni ML Party-list Representative Leila de Lima.
Inbatad ni Palace Press Officer Claire Castro a saan daytoy a maipapan iti pulitika no diket iti panangsurot iti mekanismo nga inkeddeng ti linteg isut gapu a naipaima iti Kongreso ti panangtalantan ken pannakaiproseso ti reklamo.
Inlawlawag ti Malacañang a nasken a mapagsungbat ti asinoman a mapaneknekan a naglabsing kagiddan iti panangrespetar iti karebbengan ti amin a maseknan a dumalan iti husto a proseso.
Inpasigurado ti Malacañang a kumpiansa ti Presidente iti kabaelan ti Kamara de Representantes nga imatonan ti proseso maiyataday iti Konstitusion ken dagiti maipatpatungpal a linteg.
