LAOAG CITY – Kinumpirmaran ni Department of the Interior and Local Government (DILG) Secretary Jonvic Remulla a daytoy ket nagkamali iti panangrakurakna nga inbasuran ti Austria ti asylum request wenno application ni dati a presidential spokesperson Harry Roque.
Segun ken ni Remulla a mabalin daytoy a na-denied wenno mabalin a naawat ngem awan pay konkreto nga impormasion.
Kunana pay a ti normal a proseso ket innem a bulan para iti aplikasion ken siam a bulan ti napalabas ket mabalin daytoy naaprobran wenno naibasura.
Inlawlawagna nga iti mata iti linteg ket agtalinaed nga awan pay asylum ni Roque isu a rumbeng a maipaay ti hustisia.
Maipalagip nga idi napalabas a lawas ket dinakamat ni Remulla a naibasura ti asylum request ni Roque kalpasan a naglabesen ti lima a bulan nga extension.
Inpasigurado met ni Remulla nga arestarenda ni Roque no maiparuk-at ti red notice ti Interpol kontra kenkuana.
