LAOAG CITY – Naikeddeng a mangiwayat ti taripnong dagiti opisial ti Estados Unidos ken Iran.
Maiyuswat daytoy inton aldaw ti Mierkoles idiay Geneva, Switzerland.
Idauluan daytoy ni United States special envoy Steve Witkoff ken ti manugang ni United States President Donald Trump a ni Jared Kushner.
Mainaig iti daytoy, agatendar ni Iranian Foreign Minister Abbas Araghchi ken agbalin a mediator iti panagsinnarita ni Omani Foreign Minister Badr Al-Busaidi.
Ti taripnong ket isu ti baro a diplomatic effort tapno maliklikan ti aniaman nga addang ti United States military kontra iti Tehran ken tapno maliklikan a kumaro ti tension.
Immunan a nangisayangkat ti taripnong ti dua a pagilian idi Pebrero 6 idiay Muscat, Oman.
Kuna ti Iran a nakasaganada ti nuclear deal idiay Amerika tapno naan-anay a maurnos ti problema.
