LAOAG CITY – Kinumpirmaran ti Military idiay Nigeria nga adda ti agarop 200 a tropa ti Estados Unidos ti agturong iti pagilian da, ngem saan da a tumulong a makigubat kontra kadagiti rebelde a grupo no di ket agpokus da iti training.
Kuna ti Nigerian Military nga agtalinaed a ti Nigerian forces ti mangipatungpal ti operasyon ken mangipatalged ti seguridad iti nadakamat a pagilian.
Komento daytoy ti Nigerian military kalpasan ti nagbalin a rakurak ti maysa nga opisyal ti Amerika a plano ti Pentagon ti mangideploy kadagiti tropa da idiay Nigeria tapno trainingen dagiti soldado ti pagilian para iti pannakilaban da iti Islamist militants.
Immunan a kinumpirmaran ti US military a nangipatulod da ti bassit a grupo ti soldado da idiay Nigeria, ngem saan dan a nangipaay ti dadduma a detalye.
