LAOAG CITY – Nagballaag ti Department of Health (DOH) kontra iti rabies iti baet ti panagbaba ti 65% kadagiti kaso iti umuna a dua a bulan ti 2026 maidasig iti kapada a panawen idi 2025.
Inbatad ti ahensia a ti pakabuklan a 17 a kaso ti rabies manipud idi Enero 4 agingga iti Pebrero 21 wenno panagbaba ti 49 a kaso iti kapada a monitoring period idi 2025.
Inlawlawag ni Department of Health Secretary Teodoro Herbosa, ti bulan ti Marso ket a maysa kadagiti maibilang a Rabies Month.
Kunana nga inaprobaran ti PhilHealth Benefits Committee ti naipangato a coverage para iti rabies post-exposure prophylaxis.
Iti agdama, sakup ti PhilHealth ti enhanced animal bite package nga agingga iti P5,850 pakairamanan ti post-exposure prophylaxis, local wound care, tetanus toxoid ken anti-tetanus serum, antibiotics ken supplies.
