LAOAG CITY – Nagballaag ti Philippine College of Endocrinology Diabetes and Metabolism (PCEDM) iti publiko kontra iti panaggatang ti weight-loss medications kas ti Ozempic manipod iti online, no sadinno a naipaganetget a t nasao nga agas ken usaren laeng iti babaen ti superbisyon ti maysa a physician gapu iti possible a risgo iti salun-at.
Iti press briefing, inbatad ni Philippine College of Endocrinology Diabetes and Metabolism Vice president Dr. Elaine Cunanan a ti generic a ramen ti agas a semaglutide, ket orihinal a nabukel kas agas ti diabetes ken napaneknekan a daytoy ket epektibo a mangpababa ti blood sugar levels.
Basar pay iti panagadal, napaneknekan a makatulong a mangpababa ti risgo iti kidney complications ken cardiovascular disease dagiti pasyente.
Inrakurak ni Cunanan a ti panagbaba ti timbang ket inisyal a naobserbaran kas side effect kadagiti diabetic patients nga agus-usar iti nasao nga agas.
Nupay kasta, inpaganetget ni Cunanan a mabalin laeng nga usaren ti agas iti babaen ti superbisyon dagiti propesyonal wenno eksperto.
