LAOAG CITY – Umabote iti 62 a tattao ti natay iti nakaro a layos idiay Kenya gapu iti napigsa a tudo a napasaran iti rehiyon iti sumagmamano a lawas.
Iti laeng napalabas a lawas ket nairekord ti 42 nga indibidual a pimmusay gapu iti kalamidad.
Basar iti report, ti napigsa a tudo a nangitunda iti nakaro a flash floods ket maibilang a kagrabean a napasamak iti Kenya.
Malaksid kadagiti natay ket naruay pay a pagtaengan ti nalakumos ti danom no sadinno nga ado dagiti nadadael a kalsada ken linya ti kuryente.
