LAOAG CITY – Naiget a naglikudan ni Manila Rep. Rolan Valeriano ti isyu nga adda ti mabukbukel a kudeta iti Kamara de representantes.
Daytoy ket kalpasan ti nagbalin a rakurak ni National Unity Party (NUP) President Ronnie Puno a saan da a kuntento iti liderato ni House Speaker Bojie Dy.
Segun ken ni Valeriano, normal laeng nga adda dagiti gundaway a saan da a “solved” iti panangidaulo ni Speaker Dy iti sumagmamano nga isyu kas iti maipanggep kadagiti district projects, ngem saanna a kayat a sawen a kalabanen da ti mangidadaulo iti kamara de representantes.
Iti pammati ti agpanpanday linteg manipod iti Maynila, nagtalinaed a buo ti suporta ti mayorya iti Kongreso para ken ni Dy, kasta met iti administrasyon ni Presidente Ferdinand Marcos Jr.
