LAOAG CITY – Inrakurak ti Malakanyang nga “overwhelmed” ti Department of Justice (DOJ) ken Office of the Ombudsman gapu iti kaado dagiti kaso nga inrekomendar ti Independent Commission for Infrastructure (ICI) nga adda ti pakainaigan dagiti flood control projects.
Daytoy ket kalpsan ti panagngudo ti mandato ti Independent Commission for Infrastructure idi kalman, Marso 31, 2026.
Inbatad ni Palace Press Officer USec. Claire Castro, a naaramiden ti komisyon ti trabaho da kas maysa a fact-finding committe.
Innayon ni Castro nga adda iti ima dagiti maseknan nga ahensya ti pannakausig dagiti karaman iti korapsyon maibasar kadagiti nakalap nga ebidensya.
Inpetteng ni Castro nga awan ti makalusot iti imbestigasyon, ngem kasapulan ti natibker nga ebidensya imbes a “drama” iti media tapno naan-anay a mapagsungbat dagiti kurakot nga opisyal ti gobierno.
Inlawlawag pay ni Castro a ti pannkapukaw t komisyon ket basar iti report ni Justice Andres Reyes a mangipaneknek a naaramiden ti Commission for Infrastructure ti trabaho da.
Sinungbatan pay ti opisyal dagiti mangdildillaw nga arigna bitin wenno awan ti mabalud a “big fish” iti baet ti imbestigasyon.
Nagballaag ni Castro kadagiti mangus-usar ti media para iti bukod da nga interes.
