LAOAG CITY – Natay ti maysa a lalaki a nakalugan ti motorsiklo kalpasan a nadisgrasya iti national highway, bisinidad ti Sitio Tulnagan iti Brgy.7, Caruan iti ili ti Pasuquin.
Ti biktima ket agtawen ti 19, residente iti Barangay Corocor iti ili ti Bacarra.
Basar iti imbestigasyon dagiti otoridad, iti oras ti ala-una itay parbangon, agdaldalyasat ti biktima iti nasao a lugar ken idi nadanun na t agkurba a paset ti kalsada ket ditoyen a napasamak ti insidente.
Rumrumuar a napukawan ti kontrol ti driver a nangitunda ti pannakaidungpar na iti konkreto a poste ti kuryente.
Gapu iti kapigsa ti pannakaidungpar ti biktima ket natnag iti motorsiklo na a nagsagabaan na ti sugat iti nagduduma a paset ti bagina.
Intaray dagiti nagresponde a kameng ti Bureau of Fire Protection ti nasao a biktima iti Rural Health Unit iti ili ti Pasuquin para iti naan-anay a pannakataming na, ngem indeklarar ti attending physician a ni Dr. Diophantos Acob a Dead On Arrival.
